Nachrichten, dies & das (Pressespiegel)

Aus der heutigen Sonntagsausgabe der Rheinpfalz:

Polit-Talk: Die Dannde Liesel un die Berliner

Von Michael Konrad

„Un Dannde Liesel, was saachscht du zu de neie Bundesminischter, wu em Scholzolaf sei Ampel die Woch so vorg’stellt hot?“

„Isch do die Klöcknern noch debei?“, froocht die Dannde Liesel.

„Ähm, nä, die scheid’t aus’m Kabinett aus“, saach ich.

„Un der Klää aus’m Saarland, wu uff schick macht un immer durch die Weltg’schicht scheest?“

„De Maas?“, frooch ich.

„Wann d’ määnscht“, saacht die Dannde Liesel.

„Nää, der isch in Zukunft wahrscheins ach nimmi debei“, saach ich. „Wubei mir uns in dere Kolumne nit iwwer Körperlichkeite auslossen, wann ich bitte derf.“

„Un der Dicke?“

„Jetzt mach awwer emol halblang, Dannde Liesel“, saach ich. „Un: Nä. Es gebt demneggscht ach en neie Wertschaftsminischter.“

„Was isch mit dem Seehofer?“

„Der isch ball weg vum Fenschder“, saach ich.

„Un der anner Simbel vun de CSU, wu, glaawich, Verkehrsminischter isch?“

„De Scheuer? Der werd dann ach uffheere“, saach ich.

„De Spahn?“

„Weg, Dannde Liesel!“

„Un was willscht du jetzt eichentlich vun mir?“

„Ich will wisse, was du vun de neie Bundesminischter haltscht, wu ...“

„Un die sinn wirklich all weg?“, froocht die Dannde Liesel.

„Ja-ha“, saach ich.

„Also, des langt mir fer de Aafang vollkomme.“

Wann Sie es saacht. Ich mään jo blooß.

Was ist nur aus der Rheinpfalz geworden.

Schlagzeile:

Und er könnte auf den FCK einen Geldregen niederprasseln lassen.

Millionen für den FCK? Sollte Schramm durchstarten und möglicherweise ein Shootingstar beim FCK werden, könnte er dem Verein viel Geld einbringen.

Das nenne ich mal Journalismus vom feinsten.